Бүртгэл устгах
1. Хэнд хамаарах
Энэ заавар нь Sales24 дээр ажилладаг дэлгүүрүүдийн захиалагчийн апп (жишээ нь «Sales24 Demo») болон тэдгээрийн вэб сайтад утас, и-мэйлээрээ бүртгүүлсэн захиалагчийн бүртгэлд хамаарна. Бүртгэл нь дэлгүүр тус бүрд тусдаа байдаг тул хэд хэдэн дэлгүүрт бүртгэлтэй бол тус бүрийг устгана.
2. Апп-аас устгах
- Апп-аа нээж бүртгэлээрээ нэвтэрнэ.
- Профайл → Засах → «Бүртгэл устгах» товчийг дарна.
- Нууц үгээ, эсвэл нууц үггүй бол утас (и-мэйл)-даа ирсэн нэг удаагийн кодыг оруулж баталгаажуулна.
Бүртгэл тэр дор нь устаж, бүх төхөөрөмж дээрээс гарна. Энэ үйлдлийг буцаах боломжгүй.
3. И-мэйлээр хүсэлт илгээх
Апп-д нэвтэрч чадахгүй бол [email protected] хаяг руу дэлгүүрийн нэр болон бүртгэлтэй утасны дугаар (эсвэл и-мэйл)-аа бичиж илгээнэ үү. Бид таныг бүртгэлийн эзэн мөн эсэхийг шалгаад 30 хоногийн дотор устгаж, хариу мэдэгдэнэ.
4. Юу устах
- Нэр, утасны дугаар, и-мэйл, нууц үг
- Хадгалсан хүргэлтийн хаягууд
- Хүслийн жагсаалт
- Барааны үнэлгээ, сэтгэгдэл, хавсаргасан зураг
- Онооны үлдэгдэл ба түүх (ашиглагдаагүй оноо буцаагдахгүй)
- Бүх төхөөрөмжийн нэвтрэлт
5. Юу үлдэх
Өмнөх захиалгын дүн, бараа, төлбөрийн төлөв, И-баримтын мэдээлэл нь нягтлан бодох бүртгэл, татварын хуульд заасан хугацаанд хадгалагдана. Гэхдээ тэдгээрээс таны нэр, утас, и-мэйл, хүргэлтийн хаяг, тэмдэглэл арилж, хэнийх болох нь тодорхойгүй (нэргүй) болно. Байгууллагын нэр дээр авсан И-баримтын байгууллагын регистр хэвээр үлдэнэ.
- Хүргэлт дуусаагүй (баталгаажсан, бэлтгэж буй, замд яваа, эсвэл төлөгдсөн) захиалга байвал бүртгэлийг хүргэлт дууссаны дараа устгана — хүргэлтэд таны хаяг, утас хэрэгтэй.
- Сүүлийн 72 цагт дансаар шилжүүлэг, QPay эсвэл SocialPay-ээр төлөхөөр өгсөн, төлбөр нь хараахан баталгаажаагүй захиалга байвал төлбөр шалгагдтал устгах боломжгүй — мөнгө тань орсон бол буцаан олгоход холбоо барих мэдээлэл хэрэгтэй.
- Бусад төлөгдөөгүй, хүлээгдэж буй захиалга бүртгэлийг устгахад цуцлагдана.
6. Ажилтан, жолоочийн бүртгэл
«Sales24 Manager» (касс) болон «Sales24 Delivery» (жолооч) апп-ын бүртгэлийг тухайн дэлгүүрийн админ үүсгэж, удирддаг — апп дотроос бүртгүүлэх боломжгүй. Эдгээр бүртгэлийг устгуулах бол ажиллаж буй дэлгүүрийн админдаа хандах, эсвэл [email protected] руу бичнэ үү.
Дэлгэрэнгүйг Нууцлалын бодлого-оос үзнэ үү.